header

Glæsilegir RIG-leikar á enda


Ljósmyndari: Art Bicnick fyrir The Reykjavík Grapewine www.bicnick.comCamilla Gersem kom sá og sigraði í listhlaupi á RIG sem fram fór helgina 22.-24. janúar 2016.  Camilla setti persónulegt stigamet bæði fyrir stutta prógramið, 51.46 stig, sem og heildarstig 141.17 stig. Hún þakkar það meðal annars hversu góður ísinn var í höllinni, umgjörð mótsins en ekki síður frábærum áhorfendum sem hvöttu hana mikið til dáða. Hún segir það virkilega hvetjandi að ná sínum besta árangri þegar aðeins tvær vikur eru í Noregsmeistaramótið.

Baráttan var hörð um næstu sæti en Maisy Hiu Ching Ma hélt öðru sætinu líkt og eftir fyrri keppnisdag og endaði með 116.85 stig. Þriðja var Michaela Du Toit frá Suður Afríku með 110.33 stig en hún keppti einnig á RIG fyrir nokkrum árum.

Wayne Wing Yin Chung fékk 92.69 stig í Junior Men en hann var jafnframt eini karlmaðurinn sem var skráður til leiks.

Mesta baráttan var milli stúlknanna í Junior Ladies en það er sjaldan sem íslensku stúlkurnar fá jafn góða keppinauta á heimavelli. Finnar trónuðu á toppnum og enduðu í þremur af fjórum efstu sætunum. Sigurvegarinn, Jade Rautiainen, þótti sýna einstaka útgeislun og tjáningu í dansinum sínum enda fékk hún sérstaklega hátt fyrir „program components“ en auk þess var hún með þrefalt stökk og tvöfaldan Axel í samsetningu og skilaði heildarstigum uppá 115.63 stig.

Emilía Rós Ómarsdóttir stóð sig best af íslensku stúlkunum og var rétt undir sínu besta bæði í frjálsa prógraminu og heildarstigum, eða 99.90 stig samanlagt.

Það er mikill fengur fyrir íþróttina að fá svo glæsilega keppendur hvaðanæva að úr heiminum, eins og sóttu Ísland heim sl. helgi. Skautasambandið vill þakka öllum þeim sem tóku þátt í að gera mótið hið glæsilegasta.

Ljósmyndari: Art Bicnick fyrir The Reykjavík Grapewine www.bicnick.com  

RIG Live stream / streymi

RIG verður streymað á þessari vefslóð

RIG will be broadcasted on this website

Camilla Gjersem í Senior Ladies setti persónulegt met á RIG


RIG 2016 - Senior Ladies - Camilla Gjersem. Mynd Hafsteinn Snær Þorsteinsson_2Keppni hófst í stuttu prógrami í Junior og Senior flokkum í dag. Einn keppandi var skráður í Junior Men, Wayne Wing Yinn Chung og skilaði hann skori uppá 33.90 stig. Hinsvegar var afar spennandi að fylgjast með Junior Ladies en þar voru 20 stúlkur skráðar til leiks. Finnar tróna á toppnum eftir fyrri keppnisdag með Oona Ounasvuori efsta með 41.62 stig, síðan Roosa Latvala með 40.63 stig og loks Jade Rautiainen með 40.33 stig.

Sömuleiðis er mjótt á munum meðal íslensku stúlknanna en þær raða sér í sjötta, sjöunda og áttunda sætið. Þuríður Björg Björgvinsdóttir er rétt undir sínu besta skori fyrir stutta prógramið með 35.43 stig, Emilía Rós Ómarsdóttir 34.57 stig og Agnes Dís Brynjarsdóttir 33.36 stig.

Beðið var með eftirvæntingu að sjá Senior Ladies eða kvennaflokkinn, en þar eru stúlkur meðal annars að stökkva þreföld stökk. Við Íslendingar eigum ekki keppanda að þessu sinni í flokknum en hinsvegar höfðu 9 erlendar stúlkur boðað sig til leiks, þar á meðal norskur, finnskur og suður afrískur meistari.

Það er skemmst frá því að segja að Camilla Gjersem er langefst með 51.46 stig en hún setti jafnframt persónulegt stigamet í stutta prógraminu í alþjóðlegri keppni með frammistöðu sinni á RIG í dag. Camilla sýnir mikinn hraða og ótrúlega snerpu í prógrami sínu. Önnur er Maisy Hiu Ching Ma frá Hong Kong með 42.08 stig og þriðja Emilia Toikkanen frá Finnlandi með 40.42 stig.

Við hvetjum alla til að koma við í Skautahöllinni í Laugardal á morgun. Keppni hefst kl. 11 á morgun og verðlaunaafhending kl. 15:00.

Ljósmyndari: Hafsteinn Snær Þorsteinsson



  • Askur logo - 132x61
  • Icewear logo-90x90
  • thumb 0509 web-skautasamband Höldur

  • Bryggjan - 160x63
  • nm new logo red 80x80
  • sjávargrillið logo - 99x70

  • isi

  • aha veitinga logo 145x55

  • Hagkaup logo - 202-61
  • Opin Kerfi Logo 176x54
  • cabin 95x67
  • Center hotels 73x90