header

Skautaþing 2. apríl 2016 - seinna fundarboð

Í samræmi við 6. grein laga ÍSS, er hér með boðað til 18. þings Skautasambands Íslands.

Þingið verður haldið laugardaginn 2. apríl í fundarsal E í íþróttamiðstöðinni í Laugardal að Engjavegi 6, 104 Reykjavík og hefst kl. 11:00.

Dagskrá þingsins er samkvæmt 8. grein laga ÍSS.

F.h. Skautasambands Íslands

Margrét Jamchi Ólafsdóttir

Formaður ÍSS

Vetrarmót ÍSS 2016 lokið

Margrét Sól_Torfadóttir_-_Ljósmyndari_Hafsteinn_Snær_ÞorsteinssonSpennan var mikil í Unglingaflokki A.  Kristín Valdís Örnólfsdóttir frá SR, sem var fimmta eftir stutt prógram setti talsverða pressu á efstu stúlkurnar í dag þegar hún skilaði mjög góðu frjálsu prógrammi og endaði með 94.48 stig.  Agnes Dís Brynjarsdóttir frá SB, sem var þriðja eftir fyrri keppnisdag, náði sér ekki á strik í dag og endaði í fimmta sæti með 87.98 stig. 

Þuríður Björg Björgvinsdóttir SR skilaði mjög góðu prógrammi í dag og endaði með 95.15 stig og setti því mjög mikla pressu á Emilíu Rós Ómarsdóttur SA, sem skautaði síðust í dag því hún var efst eftir að hafa sett stigamet í stuttu prógrammi í gær. 

Emilía lét pressuna ekki trufla sig og skautaði mjög vel í dag og endaði með 100.22 stig og trónar því í fyrsta sætinu á öllum mótum vetrarins. Glæsilegur árangur hjá þessari ungu skautakonu. 

Eva Dögg Sæmundsdóttir SB, sem var í 4ja sæti eftir fyrri keppnisdag, náði sér ekki á strik í dag og endaði í sjötta sæti með 81.93 stig.  Gaman er að segja frá því að Margrét Sól Torfadóttir SB setti persónulegt met á mótinu og skilaði viðmiðum ÍSS í frjálsa prógrammi og endaði í fjórða sæti með 90.46 og það á afmælisdaginn sinn:)

Sigurvegari í Stúlknaflokki A varð Marta María Jóhannsdóttir frá Skautafélagi Akureyrar með 77.97 stig og hefur hún, eins og Emilía Rós, sigrað í sínum flokki á öllum ÍSS mótum í vetur.  Það hafa stöllurnar Rebekka Rós Ómarsdóttir í 12 ára og yngri A, Ísold Fönn Vilhjálmsdóttir í 10 ára og yngri A og Freydís Jóna Jing Bergsveinsdóttir í 8 ára og yngri A einnig afrekað.  Það er því óhætt að segja að Skautafélagi Akueyrar hafi gengið vel að tryggja sér fyrsta sætið í A flokkum í vetur.  

Skoða öll úrslit.

Vetrarmót ÍSS 2016 - fyrri keppnisdegi lokið

Emilía Rós_Ómarsdóttir_-_Ljósmyndar_Helga_HjaltadóttirVetrarmót ÍSS hófst í dag í Egilshöll. Mótið fer mjög vel af stað og luku 5 flokkar keppni í dag: 8, 10 og 12 ára og yngri B, Stúlknaflokkur B og Unglingaflokkur B.  Sjá úrslit.  

Í Unglingaflokki gerði Emilía Rós Ómarsdóttir frá Skautafélagi Akureyrar (SA) sér lítið fyrir og setti stigamet í stuttu prógrammi en hún fékk 38.91 stig.  Hún sló þar með stigamet sem Vala Rún B. Magnúsdóttir átti síðan á Bikarmóti 2014 37.08 stig.  Emilía Rós hefur staðið sig frábærlega vel á mótum ÍSS í vetur og hefur sigrað öll mótin.  Hún ætlar greinilega ekkert að gefa eftir á síðasta ÍSS móti vetrarins og byrjar vel.  Ekki langt undan í öðru sæti eftir stutt prógram er Þuríður Björg Björgvinsdóttir frá Skautafélagi Reykjavíkur (SR) með 37.12 stig, en hún sló einnig met Völu frá 2014 og setti persónlegt stigamet í dag. Agnes Dís Brynjarsdóttir frá Skautafélaginu Birninum (SB) fylgir fast á eftir í þriðja sæti með 36.00 stig.  Einnig má nefna að Eva Dögg Sæmundsdóttir frá SB átti mjög góðan dag og setti persónulegt stigamet í stutta prógramminu og er aðeins 0.42 stigum á eftir Agnesi Dís.  

Í Stúlknaflokki A eru aðeins 0.21 stig sem skilja að fyrsta, annað og þriðja sætið eftir keppni í stuttu prógrammi!  Ásdís Arna Fen Bergsveinsdóttir er efst með 27.66 stig, Aldís Kara Bergsdóttir fylgir fast á eftir með 27.55 stig og Marta María Jóhannsdóttir í þriðja sæti með 27.45 stig.  Þær eru allar frá Skautafélagi Akureyrar.

Búist er við harðri keppni í frjálsu prógrammi og verður því morgundagurinn mjög spennandi! Við hvetjum alla til að mæta og hvetja okkar bestu listskautara til dáða.  Aðgangur er ókeypis.



  • Askur logo - 132x61
  • Icewear logo-90x90
  • thumb 0509 web-skautasamband Höldur

  • Bryggjan - 160x63
  • nm new logo red 80x80
  • sjávargrillið logo - 99x70

  • isi

  • aha veitinga logo 145x55

  • Hagkaup logo - 202-61
  • Opin Kerfi Logo 176x54
  • cabin 95x67
  • Center hotels 73x90