Haustmót 2016 - fyrri keppnisdegi lokið

Details

Fréttir 24.09.16

Haustmót 2016 hófst í dag 24. september í Skautahöllinni í Reykjavík. Mótið er fyrsta mót vetrarins og ánægjulegt var að sjá hversu sterkar stelpurnar okkar eru að koma inn eftir sumarfrí. Fimm flokkar luku keppni í dag: 8, 10, 12 ára og yngri B sem og Stúlkna- og Unglingaflokkur B. Sjá úrslit.

Ljóst er að samkeppnin verður hörð þetta keppnistímabilið þar sem oft var mjótt á munum. Óskum við öllum keppendum innilega til hamingju með frábæran árangur.

Eftir stutt prógram í Unglingaflokki (Junior) A vermir Emilía Rós Ómarsdóttir (SA) 1. sætið með 35,07 stig. Fast á hæla hennar koma þær Kristín Valdís Örnólfsdóttir (SR) með 32,85 stig, Margrét Sól Torfadóttir (SR) með 31,42 stig og Eva Dögg Sæmundsdóttir (SB) með 29,49 stig. Því verður spennandi að sjá hvernnig þeim mun ganga í frjálsu prógrami á morgun.

Sömu sögu má segja um Stúlknaflokk (Novice) A þar sem stigamunur fjörgurra efstu keppendanna er ekki nema fjögur stig. Taka þar slaginn Akureyrarstúlkurnar Marta María Jóhannsdóttir, Aldís Kara Bergsdóttir og Ásdís Arna Fen Bergsveinsdóttir og fylgir Helga Karen Petersen frá Birninum þeim fast á eftir.

Því má búast við spennandi keppni á morgun í frjálsu prógrami Stúlkna- og Unglingaflokki A auk þess sem 8, 10 og 12 ára og yngri A flokkar munu hefja keppni. Við hvetjum alla til að mæta og fylgjast með. Aðgangur er ókeypis